الأربعاء، 18 ديسمبر 2013

مربى المندرين الذيذ

السلام عليكم و رحمة الله و بركاته


كلشي كيحب المربى و كنعرفو بان انواع المربى لي تباع فالمحلات فيها مواد حافظة ضارة ولهذا كنشجعكوم تعملو المربى المنزلي لانه سهل التحضير لذيذ و مافيهش مواد حافظة 
واليوم كنقدم ليكوم مربى المندرين لان وقتو هادي

المقادير
اثنين كيلو مندرين او الكليمونتين
كيلو سكر سنيدة
كاسان صغيران ماء

الطريقة
نقشر المندرين و نقطعوه على 2 باش نزولو البذور ايلا كان الكليمونتين ماكنحتاجوش حيت مافيهش اصلا بذور و هو احسن فالمربى

نعملوه فطنجرة و نضيفو 2 كيسان صغار ماء او كاس متوسط نضيفو السكر
يمكن نضيفو ايلا حبينا قشرة مندرينة وحدة مغسولة مزيان و مقطعة صغير بزاف

نعملو الطنجرة تطبخ على نار هادئة لمدة ساعة و ربع تقريبا
من بعد ما نطفو نخلوه يدفا شوية و نطحنوه فالطحانة اليدوية ديال الخضر
نعملوه فقراعي الزجاج معقمين 
بالصحة و الراحة
 

هناك تعليق واحد:

تعليقاتكم تسعدنا