الثلاثاء، 5 نوفمبر 2013

الكيكة المقلوبة بالتفاح

السلام عليكم و رحمة الله و بركاته


حايرين اشنو ديرو للكاسكروط كنقتارح عليكوم هاد الكيك الرائع منظر ديالو غزال و المذاق لذذذذذذيذ
كل واحد و كيف يعمل كيك التفاح و هادي طريقتي كنتمنى تعجبكوم
اولا
كناخذو التفاح مغسول نقوه و نقطعوه نضيفو ليه 4 م ك سكر و م ص او اكثر قرفة
لتحضير الكيك
غنحتاجو 4 بيضات - قبيصة الملح - كاس و نص سكر - كاس زيت - كاس حليب - قشرة حامضة محكوكة - 2 خمارات و الدقيق حسب الخليط 
كناخدو مول داير ندهنوه بالزبدة و نستفو فيه التفاح لي وجدنا و نعملو فوقو طبقة الخليط دالكيك
ندخلوه للفرن على درجة حرارة معتدلة
كنخلوه نصف ساعة يطيب من لتحت من بعد كنطفو و نشعلو عليه يطيب من الفوق
خاصنا نراقبو الكيك با مايتحرقش لينا
ايلا جاب الله خرجنا الكيك و قلبناه و لقيناه مازال ماتحمر مزيان نرجعوه للفرن و لكن بلا مانقلبوه اي نخلو الجهة لي فيها التفاح من الفوق باش نراقبوه
نصيحة قلبو الكيك و هي سخونة كي تخرج من الفران حيت ايلا بردات غادا تلصق
شهية طيبة
 

ليست هناك تعليقات:

إرسال تعليق

تعليقاتكم تسعدنا