السلام عليكم و رحمة الله و بركاته
اليوم عملت ساندويتشات للغدا ههه غدا ديال السناك خفيف ظريف ايوا مرة مرة كنبغيو نغيرو شوية
الساندويتش عملتو بكابايلا هههه اه بكابايلا جاتكوم عجب ايوا ماشي اي كابايلا
بغيتو تعرفو الطريقة
تابعونا هههه
اولا كنت محضراها من قبل
تبعت طريقة صديقتي حسناء صاحبة مطبخ دعاء القلوب الله يجازيها كل خير
هيا عملت الطون معلب انا عملت الكابايلا معلبة و بنفس الطريقة
خديت واحد كابايلا كبيرة نقيتها و قطعتها قطع ضفت ليها الملح مزيان و 2 ضروس دالثوم محكوكين خليتها نصف ساعة
من بعد فورتها فالكسكاس
نقيتها و ضفت ليها كاس الزيت مخلطة زيت عادية و زيت زيتون و خليتها فقرعة الزجاج
اليوم وجدت ميني كومير بعجينة العشر دقائق الرائعة
غتلقاو الطريقة ديالها هنا
دابا نمرو للصلصة هي عبارة عن فلفلة حلوة مقطعة صغير بزاف و مقلية فالزيت
كنضيفو ليها 4 مطيشات كبار محكوكين و الربيع مقطع مزيان اضافة للتوابل اي ملح ابزار سكينجبير و خرقوم بلدي و كمون الكل يتحمر و يطيب مزيان و فالاخير نضيفو الزيتون مقطع
كنحلو الميني كومير لي وجد و نعمروه بالحوت و الصلصة
رافقتو بالفريت و سلطة بسيطة جدا
ايوا كي جاتكوم كابايلا هههه وكي جاكوم غدا السناك
ليست هناك تعليقات:
إرسال تعليق
تعليقاتكم تسعدنا