اخواتي
بما ان اليوم عطلة فقررت نزل اكبر قدر من الوصفات من الارشيف ديالي هههه و هادي كيكة البنان اقتصادية و كتجي رائعة
سنحتاج ل
ثلات بيضات
كاس سكر سنيدة
قبيصة دالملح
ثلات ارباع كاس زيت
ياغورت بنكهة الفانيل او البنان
ساشي فانيل
2 خمارات
الدقيق حسب الخليط
2 او 3 بنانات مقطعين
الطريقة
كنطربو البيض مع الملح و حنا كنزيدو الفاني و السنيدة شوية بشوية
نضيف الزيت و نطربو
نزيدو الياغورت ثم الدقيق و الخمارات مغربلين و نخلطو الخليط غير بشوية باش مايهبطش لينا
نضيفو البنان او الفاكهة لي بغيتو
ندخلو الكيك للفران على عافية مهيلة
يمكن نضيفو شوية سنيدة و فانيل فوق البنان باش يتكاراميليزاو
شهية طيبة
نصيحة / البنان او اي نوع اخر من الفاكهة ايلا و ضعتوه فالمول تجنبو الجناب باش مايلصقش ليكوم حاولو توضعوه فالوسط
تبارك الله عليك لطيفة و مبروك افتتاح المدونة احبيبة
ردحذف