الثلاثاء، 29 أكتوبر 2013

الدجاج محمر بطريقة روعة و الروز المرافق ليه بالزيتون و الزبيب

السلام عليكم و رحمة الله و بركاته

مساء النور

كل المغاربة كيحماقو على الدجاج محمر ههه هادي معروفة وانا مغربية وكنحماق على الدجاج محمر
وبالطبع كل سيدة و عندها طريقتها للدجاج و طريقتها فتقديمو

طريقتي فالدجاج محمر سبق و حطيتها بالتفصيل 
غتلقاوها فهاد الرابط

اما طريقتي فتقديمو فكل مرة واشنو كنعمل
ولكن الاغلبية كنقدمو مرفوق بطبق الروز مممم كيجي رائع

فاش طيبو الدجاج بالطريقة لي سبق حطيت  كتزولو الدجاج وتنقصو شوية البصلة و المرقة تخلوها طيب بوحدها حتى تختر
وداكشي لي بقى ضيفو ليه الما و عملو الروز كلاصي يطيب فيه
فاش يطيب ضيفو الزيتون مقطع و شوية الزبيب و خلطو مزيان
كيجي هائل

و قدموه مع الدجاج بالصحة و الراحة

هادو بعض الصور التوضيحية


و يمكن نعملو هاد الروز مع السلطة كيما عملت هنا درتو الرسط و عملت فالجناب الخضر


شهية طيبة
وماتنساوش تقولو لي رايكوم 

هناك 4 تعليقات:

  1. يعطيك الصحة حبيبتي

    ردحذف
    الردود
    1. صباح الفل و الياسمين
      الله يحفظك حبيبتي فاطمة

      حذف
  2. إيكووووووووو31 أكتوبر 2013 11:25 ص

    الله الله يا ختي لطيفة شهيتيني تبارك الله عليك الله يحفظك

    ردحذف
    الردود
    1. ههه الله يبارك فيك احبيبة راني عارفاك عزيز عليك الدجاج محمر

      حذف

تعليقاتكم تسعدنا