السبت، 15 سبتمبر 2012

ديسير بالروز و الحليب ...


اهلا اخواتي الكريمات كيف عاملين مع الدخول المدرسي؟ الوليدات فرحانين شوية؟ توحشو المدرسة و الاصدقاء؟
كنتمنى لجميع التلاميذ و الطلبة و كذلك الاساتذة دخول مدرسي موفق
ودابا ندوزو للوصفة ديالنا
هاد الوصفة كنت خديتها من مدونة باللغة الفرنسية و جربتها 2 مرات و كتصدق ديما زوينة. المرة الاولى احترمت المقادير و المرة الثانية بدلت مازهر بالفانيل و القرفة بالكاكاو و زدت الشكلاط حتى هو
المقادير
كاس صغير روز بودرة
كاس صغير سكر سنيدة او كلاصي
سبع كؤوس حليب سائل
2 ساشيات فانيل او شوية مازهر
قرفة او كاكاو
شكلاط
الطريقة
كناخدو كاسرولة نديرو فيها الحليب + السنيدة و نخلطو مزيان. نديروها فوق عافية مهيييلة. نضيفو الفانيل و القرفة اختياري  ثم الروز بودرة  و نخلطو مزيان بالطراب اليدوي
.
نبقاو نخلطو الخليط ديالنا مزيان حتى يختر و يعقاد
 
ناخدو كويسات التقديم نوضعو فيهوم شوية الشكلاط محكوك



ثم خليط الروز و طبيقة اخرى من الشكلاط

ثم خليط الروز
من بعد كنزوقو بالكاكاو
بالصحة و الراحة
  

ليست هناك تعليقات:

إرسال تعليق

تعليقاتكم تسعدنا