الأربعاء، 11 سبتمبر 2013

الدجاج محمر

السلام عليكم و رحمة الله و بركاته


الطريقة بالتفصيل

خاص تكون الدجاجة مغسولة مزيان بالملح الخل و الحامض و نخلوها تسقطر مزيان
نوجدو شرمولة درت الربيع معدنوس و قزبر و 2 ضروس الثوم مع رمضان ماكثرتهاش و شوية الملح و دقيتهوم مزيان فالمهراز
من بعد ضفت م ص سمن خرقوم و سكين جبير و شوية ابزار خلطت و د هنت بيهوم الدجاجة من الداخل و من برا و تحت الجلد مزيان باش تجي بنينة و دخلتها للثلاجة باتت فيها
الغد درت بصلة كبيرة مقطعة1 م ك زيت و 1 م ك سمن 2 ضروس توم محكوكين قزبر و معدنوس مقطعين فكوكوت و حطيت عليهوم الدجاجة و خليت داكشي يتحمر على عافية مهيلة من بعد رويت و خليتها طيب بلا مانقفل الكوكوت كتسد و تخليها منفسة شوية من واحد الجهة خليتها طابت 45 د تقريبا على عافية متوسطة
من بعد حيدتها و خليتها تبرد بوحدها و خليت المريقة طيب باش تختر و توقف
فاش بردات الدجاجة مزيان دهنتها بالزبدة مزيااان و دخلتها للفران تحمرات من كل الجوانب
المرقة ضفت ليها الزيتون مقطع و الحامض مصير و شوية عصير الحامض شي 5 دقايق قبل مانطفي عليها

هناك 6 تعليقات:

  1. يم يمي يمي تيشهي حبوبتي الله يعطيك الصحة والرزق معاها

    ردحذف
  2. ربي يخليك الزين و يعطيك ماتمنيتي

    ردحذف
  3. إيكووووووووو19 سبتمبر 2013 2:52 م

    تبارك الله عليك أختي كتشهي غادا نديرها بالتفصيل ونرد عليك الخبار ههههه

    ردحذف
    الردود
    1. الله يبارك فيك اختي بالصحة مسبقا ههه وراني غنتسنى التطبيق ديالك

      حذف
  4. الله يعطيك الصحة احبيبة دجاجة كتحمق و دايزها لكلام تبارك الله عليك

    ردحذف
    الردود
    1. الله يبارك فيك الزين مانتفضلش قدامك

      حذف

تعليقاتكم تسعدنا