السلام عليكم و رحمة الله و بركاته
الكسكس تفاية هو اكلة لذيذة جدا و هي من الاكلات المغربية العريقة و المعروفة و لكن لاباس بالتذكير بها
لتحضير هذا الطبق تلزمنا المقادير التالية
كيلو ونصف من اللحم الغنمي
كيلو بصل
كيلو سميدة ديال الكسكس
نص كاس زيت
م ك سمن
رابعة زبيب بلا عظم
رابعة حمص مفزك اي مبلل بالماء لليلة كاملة
سكر سنيدة لتعسال البصل و الزبيب تقريبا شي 100 غرام او حسب الرغبة
م ك قرفة مدقوقة او 2 عويدات
لوز مقلي للتزيين 100 او 150 غ
باقة من المعدنوس و القزبر
ابزار \ ملح \ زنجبيل مدقوق \ خرقوم مدقوق
طريقة التحضير
في القدر الخاص بالكسكس نعملو قطع اللحم مع بصلة مقطعة الزيت ثم يوضع القدر على نار معتدلة
عندما يتقلى الكل نضيف الملح و التوابل اي الابزار الزنجبيل و الخرقوم
نحرك جيدا ثم نضيف 3 لترات من الماء تقريبا
نضيف الحمص و يترك الكل يطهى لمدة 30 دقيقة او اقل بقليل
نترك باقة المعدنوس و القزبر الى الدقائق الاخيرة هي و السمن حتى يبقى المذاق فالمرق
نمر لتحضير السميدة
نضع السميدة فالقصعة و نرشوها بكاس ماء او كاس ونصف مع تحريكها جيدا باصابعنا حتى تبقى الحبات منفصلة و ماتكورش لينا
نهزوها غير بشوية و نعملوها فالكسكاس
خاصنا نتاكدو اولا ان البرمة في حالة غليان حيت السميدة
و مانساوش نقفلو الكسكاس من الجوانب بشي بلاستيكة باش مايخرجش البخار منهوم
نخلوه حتى يفور
كنعرفو انو فار من خلال البخار الكثيف لي كيتصاعد من الكسكاس
كنعاودو نحطوه فالقصعة و نرشوه بالما مع التحراك بالصابع و فالاخير كنوضعوه فالكسكاس للمرة الثانية
كنخلوه تقريبا شي 20 دقيقة
و كنعاودو العملية للمرة الثالثة و لكن هاد المرة كنقللو كمية الماء و كنضيفو الملح و شوية الزيت بلدية او السمن
و نرجعو الكسكاس كالمرات السابقة
فاش كتوجد و تصبح جاهزة كنحطوها فالفصعة و نخووها من الوسط و نحطو اللحم المرق و الحمص
كنزينو بالزبيب و البصل معسل
كيفية تحضير البصل المعسل والزبيب
نقطعو البصل جوانح رقيقة
نعملو معاه شوية زيت و ملح و نخلوه يتقلى مزيان
من بعد كنضيفو شوية من المرق و السكر و نخلوه يطيب و يتعسل
و اخيرا كنضيفو الزبيب و القرفة و نخلوه عدة دقائق ثم نطفيو عليه
اللوز كنوضعوه فماء غليان عدة دقائق حتى يرطاب و يسهال علينا نزولو ليه القشرة
نشفوه مزيان و نوضوه فزيت باردة ثم نقلوه
كنزينو الكسكس ديالنا بالبصل و الزبيب و نوضعو اللوز من الفوق
و بالصحة و الراحة
كنتمنى نكون مانسيت والو ههه
الله يعطيك الصحة احبيبة
ردحذفالله يحفظك و يخلي ليك صحيحتك
حذف