المعمول بالتمر

السلام عليكم و رحمة الله و بركاته

 كاين عدة اشكال دالمعمول و هادي طريقة مابين الطرق ديالو

كنحتاجو

  رابعة زبدة  اي 250 غ(تكون رطبة) + 2 بيضات + 2 م ك سكر كلاصي + 2 م ك زيت + 2 م ك مازهر + قبيصة الملح + الدقيق حسب الخليط

الحشوة
تمر مفور ممعوس بالفورشيط + نص م زبدة + كركاع محمر و مهرمش + شوية قرفة + نقيطات من روح مازهر

الطريقة

كنخلطو الزبدة مع السكر كلاصي حتى نحصلو على خليط كريمي نضيفو الزيت الملح و ما زهر و نكملو التخلاط من بعد نضيفو البيض واخيرا الدقيق و نجمعو العجين لي خاصو يكون لين

كنعملو كويرات صغار كنعمروهوم بكويرات اصغر من الحشوة كنسدو و نعملوهوم فالقالب دالمعمول باش نحصلو على الشكل المطلوب

ندخلوهوم لفرن معتدل الحرارة ماخاصهومش يطيبو بزاف غير يبداو ياخدو لون ذهبي خفيف نخرجوهوم

نخلوهوم حتى يبردو و نفندوهوم فسكر صقيل