السبت، 21 سبتمبر 2013

بيتزا بالدجاج

السلام عليكم و رحمة الله و بركاته

مساء النور

كلشي كيحب البيتزا كبار و صغار هي محبوبة الجماهير و كل وحدة عندها طريقتها الخاصة و انا اليوم غنقدم ليكوم طريقتي الخاصة

 
تفضلو معايا

اولا ديري شوية خميرة دالعجين م م ص سكر فكاس و زيدي ربع كاس ما دافي غطيهوم حتى الخميرة دوب و تنفخ
فقصعة غتعملي 2 كيسان دقيق شوية ملح و ديك الخميرة لي عملتي دابت مع السكر و 2 كيسان ما دافي كتخلطي مزيان و تخلي داكشي يخمر 10 دقائق
من بعد كضيفي نص كاس زيت و شوية زعتر محكوك و الدقيق لي يجمع العجينة و لكن خاصها تبقى رطبة و غتخليها عاوتاني عشر دقائق او اكثر
الحشوة
عملي بصلة كبيرة مشلضة مع شوية الدجاج مقطع \ زيت \تومة محكوكة يتحمرو من بعد ضيفي فلفلة صغيرة حلوة مقطعة صغير طيب معاهوم و زيدي قزبر و معدنوس مع التوابل
حكي مطيشة عينك ميزانك على حساب واش كتبغي تكون لاصوص كثيرة ولا لا
ضيفي ليها زيت و خليها طيب من بعد زيدي الملح الربيع مقطع و التوابل
دهني الصينية دالفران بالزبدة مزيان ماشي الزيت الزبدة حيت الزيت كيلصق
و عملي الكورة دالعجين كرصيها مزيان خاصها تكون رقيقة مزيان
تكيها بالفورشيط باش ما تنفخش
دهنيها لالصوص دمطيشة
ضيفي الخليط دالبصلة الفلفلة و الدجاج مقطع
ثم الزيتون مقطع
شوية موزاريلا مقطعة
و دخليها الفران طيب
فاش طيب حكي عليها شوية الفرماج احمر و دخليها للفران طافي غير حتى يدوب الفرماج

و دابا قطعي و كولي بالصحة و الراحة ههه

هناك تعليقان (2):

  1. إيكووووووووو24 أكتوبر 2013 في 11:19 ص

    الله هدي طريقة جديدة ولذيييييييييييييذة والله نجربها اختي

    ردحذف
    الردود
    1. بصحتك احبيبة جربي و ردي عليا الخبار

      حذف

تعليقاتكم تسعدنا