كيش بالطون

السلام عليكم و رحمة الله و بركاته

عجينة الكيش-  250 غ دقيق - 125 غ زبدة - بيضة - قبصة ملح و شوية ما بارد باش نجمعو العجين
نبداو نبسسو الدقيق مع الزبدة باردة من بعد نضيفو البيضة و نجمعو العجينة  نضيفو شوية الما باش تجمع لينا مزيان نكوروها و نعملوها فالثلاجة ربع ساعة قبل الاستعمال

الحشوة

بصلة  و فلفلة حلوة مقطعين صغير نشحروهوم فشوية الزيت  و التوابل - مليحة ابزار كمون  خرقوم -فاش يطيبو نضيفو ليهوم بواطة دالطون و الزيتون مقطع

نعملو 2 بيضات 2 فرماجات مع نص كاس الحليب و مليحة فالخلاط الكهربائي حتى يتخلطو مزيان

نسرحو العجينة و نقطعو دوائر نعملوهوم فالمولات الصغار لي مدهونين بالزبدة

نثقبوهوم بالفورشيط باش مايتنفخوش

ونعملو الحشوة لي وجدنا

من الفوق نكبو الخليط دالحليب البيض و الفروماج

ندخلو الكيش ديالنا يطيب فالفران على نار متوسطة

بالصحة و الراحة