السبت، 29 سبتمبر 2012

حلويات مشكلة بعجينة واحدة و نكهات مختلفة









لعمل صحن حلوات مشكلة و بنكهات مختلفة بعجينة واحدة

المقادير:

250 غ مركرين، 2 بيضات، كاس زيت، 1 فانيل، دقيق حسب الخليط؛2كيسان سنيدة( يمكن تزيدي أو تنقصي حسب الرغبة)

فاش نجمعو العجينة، كنقسموها ل5 أجزاء و نديروها فالثلاجة.



نخلوها 5 دقائق و نجبدو الجزء الأول. كنضيفو ليه قشرة نص برتقالة و نكورو كويرات صغار كنبركو عليهوم شوية بالفورشيط حتى يولي عندنا الشكل اللي فالصورة.




كنجبدو الجزء الثاني من العجينة كنضيف ليه نكهة الفانيل و كنطلق العجينة بالمدلك و نقطع الشكل اللي بغيت بالمرشم و نفندو فالسنيدة.

نجبدو الجزء 3 من العجينة نضيفو ليه نقيطات من مركز مازهر، نطلقو العجينة و نقطعو شكل مختلف بمرشم آخر و ندهنو شوية ببياض البيض و نزوقو بالزنجلان.



الجزء 4 من العجينة كنضيفو ليه مركز نكهة التوت و نقطعوم بمرشم مختلف يمكن نضيفو أيضا قطرات من ملون أحمر مثلا.

الجزء الأخير كنضيفو ليه طريفات تمر صغار و شوية ديال النافع و نقطعو بمرشم حسب الرغبة و هكذا كنحصلو على صحن بحلويات مشكلة و عجينة واحدة.

الشكل اللي زوقنا بالفورشيط فاش كيطيب كنغمسوه فالشكلاط دايب .

بالصحة و الراحة.

هناك تعليقان (2):

  1. الله يعطيك الصحة الزين ربي الا ملوحي لي شي طبسيل شهيتيني هههههههههههههههه محححححححح عليك

    ردحذف
  2. يزين ايامك احبيبة خودي الطبسيل كامل ههه تستاهلي كل خير مااااحححح عليك

    ردحذف

تعليقاتكم تسعدنا