السلام عليكم و رحمة الله و بركاته
هذا سندويتش لديد و صحي جربوه و غتعتمدوه
اولا كنوجدو الميني كومير ههه صاوبتو بعجينة العشر دقائق الرائعة كنظن كلشي كيعرفها
و هذي طريقتها للناس لي ماكايعرفوهاش
اولا
تاخدي شوية الخميرة دالخبز ديريها مع شوية السنيدة و شوية الما دافي فكاس و
تغطيها من بعد ديري 2 كيسان صغار دقيق فقصعة و ضيفي مليحة 2 كيسان ما دافي
و العبار بنفس الكاس و تزيدي الخميرة لي غتكون تنفخات تخلطي مزيان راه
غادا تجيك بحال عجينة البغرير تقريبا و خليها ترتاح 10 دقائق من بعد كتزيدي
نص كاس زيت و الدقيق الكافي باش تجمع ليك العجينة و لكن خاص تبقى رطبة
غطيها و خليها 10 دقائق عاوتاني و من بعد خدمي بيها لي بغيتي
كنعملو العجينة على شكل ميني كومير و ندخلوها طيب فالفرن
فاش يطيبو كنخلوه يبرد شوية و نحلوه نفرشو طريفات دالخس و من بعد نعملو الحشوة
الحشوة
الحشوة\
شحرت البصلة و طريفات ديال بيبي فشوية الزيت مع شوية ثوم و قزبر و كدلك
التوابل \ ملح - ابزار - خرقوم سكينجبير \فاش طابو ضفت معدنوس مقطع و طفيت \
عملت هاد الحشوة عى الخس و ضفت شوية مطيشة مقطعة و زيتون اخضر مقطع
و اخيرا عملت صلصة الياغورت \ ياغورت طبيعي - معدنوس مقطع - الزيت لي صفيت من البصلة ولاداند - خل - ملح و ابزار و خلطت مزيان يمكن ليكوم تستعملو مايونيز بنفس الطريقة
ليست هناك تعليقات:
إرسال تعليق
تعليقاتكم تسعدنا