فقاص مممم ياسلام

السلام عليكم و رحمة الله مساء الخير

احلى و الذ فقاص جربتو لحد الان سيري احسناء -مطبخ دعاء القلوب- الله يعطيك كل ماتمنيتي و يرحم ليك الوالدين

المقادير
3 بيضات \ خمارة و نص \ كاس زيت \ كاس سنيدة \ 1 ساشي فانيل \ شوية اللوز مرطب فاللوز قبل بليلة و مقسوم على 2 انا هنا مارطبتوش هرمشتو شوية و صافي \ قبيصة الملح \ 450 غ دقيق تقريبا
خاص تكون العجينة مرخوفة شوية و نعملو قضبان نكرصوهوم شوية و ندهنوهوم بصفار بيضة مخلطة مع شوية قهوة سريعة الذوبان
و ندخلوهوم يطيبو فالفران على نار هادئة غير نص طيبة
من بعد كنغطوهوم بزيف و نعملو فوقو شي بلاستيكة باش يبقى رطب و نخلوه ليلة ولا شي ساعات عاد نقطعوه
و نعاودو ندخلوه يتحمر
كايجي غزال و ماكيتفرتتش
و الحق يقال درتوشحال من مرة عامرو ماحاشمني و وقت ماعملتو كندعي مع حسناء الله يسر امورها و يرحم ليها الوالدين