السلام عليكم ورحمة الله وبركاته
هدية مني لكل محبي الشكلاط
هادي الوصفة ديال الكاب كيك ديالي بسيطة جدا
2 بيضات - كاس سنيدة - قبصة الملح - ساشي فانيل -كاس الا ربع زيت - ياغورت فانيل - ساشي د كاكاو اديال - 2 خمارات - الدقيق الكافي
نطربو البيض الملح و السكر بالطراب اليدوي مزيان ثم نضيفو الزيت و نطربو نضيفو الياغورت و نطربو
نزيدو الكاكاو الدقيق و الخمارات مغربلين و نخلطو
نخوو الخليط ديالنا فالمول ديال الكاب كيك مدهون بالزبدة و مغبر بالقيق و ندخلو للفرن على درجة حرارة متوسطة
فاش يطيبو نخلوهوم يبردو شوية ثم نزينوهوم
انا هنا عملت ليهوم صلصة الشكلاط
عملت كاس قهوة سائلة - ساشي دالكاكاو اديال - 2 م ك سنيدة - 1 م ك نشا - م ص زبدة رطبة
خلطت المكونات مزيان و عملتهوم فوق البوطة على نار مهيلة بزاف مع التحراك المستمر حتى عقد الخليط عاد زدت الزبدة و طفيت
غطست للكاب كيك وجهوم فصلصة الشكلاط و زوقت كيما شفتو
كنتمنى تعجبكوم الطريقة ديالي
بالصحة و الراحة
من اسهل مااايكون الله يعطيك الصحة
ردحذف