الأربعاء، 2 أكتوبر 2013

فلان شوكولا

السلام عليكم و رحمة الله و بركاته

ماكاين مااسهل من تحضير الفلان كلشي كيعرف ولكن طريقة التقديم كتبقى مختلفة و شخصيا عندي طرق عديدة و كل مرة راني نحط طريقة جديدة


للطبقة الاولى كنحتاجو لساشي فلان شكلاط - نصف لتر حليب - 3 م ك سكر او حسب الرغبة 
كنخلطو السكر مع بودرة الفلان مزيان و نكبوها فوق الحليب نخلطو عاود مزيان و نعملوه فوق نار هادئة مرة مرة نحركو حتى يوجد

فكيسان التقديم كنعملو طريفات دالكيك دالشكلاط و نكبو فوقها الفلان ديالنا حتى للنصف 
نخلوهوم حتى يبردو و ندخلوهوم للثلاجة

الطبقة الثانية كنحتاجو ساشي دالفلان كاراميل و نصف لتر حليب و السكر و نوجدو بنفس الطريقة

كنخرجو الكويسات ديالنا لي بردو مزيان و الفلان شد فراسو مابقاش سائل يعني جمد و نكبو فوقو الفلان دالكاراميل و لكن حتى يكون دفا شوية مابقاش سخون بزاف وهنا خاصنا نكونو كنحركوه مزيان باش يبرد بلا ما يجمد فالكاسرولة

فاش نخووه ندخلوهوم للثلاجة مرة اخرى و نخلوهوم يبردو مزيان

انا هنا كانت عندي صلصة الشكلاط لي كنت عاملاها كلاصاج للكيك واستعملتها مع الفلان  فاش بغيت نقدمو جات زوينة

يمكن ليكوم توجدو حتى نتوما هاد الصلصة او تكتفيو بتدويب شوية الشكلاط فحمام مريم و ضيفو ليه 2 او 3 م ك ياغورت فانيل و تستخدموه بنفس الطريقة ميام ميام 

بالصحة و الراحة

ليست هناك تعليقات:

إرسال تعليق

تعليقاتكم تسعدنا