الثلاثاء، 24 سبتمبر 2013

حريشات فالفرن روعة شكلا و مضمونا



السلام عليكم و رحمة الله و بركاته

اليوم غنقدم ليكوم واحد الوصفة ولات معتمدة عندي






هادو حريشات فالفران من فاتي بيل من احد المواقع المغربية الوصفة الاصلية كالتالي
2 بيضات - دانون فانيل - كاس زيت ماعامرش - كاس سنيدة - كاس ما- 500 غ سميدة رقيقة - شوية ملح -2  خمارات ديال 7 غ
 انا درت غير نصف المقادير يعني  1 بيضة - نص كاس زيت - نص كاس سنيدة - نص كاس ما- نص ياغورت طبيعي و يمكن ليكوم تعملو ياغورت فانيل الصغير ديال درهم - ساشي فاني - شوية ملح - 2 كيسان سميدة رقيقة - 1 خمارة دالحلوى
الطريقة 
 نخلطو البيض السكر و الفاني من بعد نضيف الزيت و الياغورت ثم الما و السميد و الخميرة \ ندهن مولات صغار بالزبدةو نرشوهوم بالسميدة \ ندخلوهوم يطيبو و منين يخرجو ندهنوهوم بالمربى و نزينو بالكوك اولا اللوز


جربوهوم انا اكيدة ماغاديش تندمو

بالصحة و الراحة

هناك 5 تعليقات:

  1. الله يعطيك الصحة اختي
    قولي ليا اختي واش الخليط كايكون جاري بحال الكيك او خاصنا نقرصو بحال العجين الخبز؟
    واش كاتطلع يعني ندير غير كيمة قليلة فالمول؟

    ردحذف
  2. جربتها يلاه ساليت جات غزالة تبارك الله عليك الله يجازيك بالخير

    ردحذف

تعليقاتكم تسعدنا