السلام عليكم و رحمة الله و بركاته
غنقدم ليكوم واحد الكيش ياسلاااام ههه كلمة روعة قليلة فحقو
عجين الكيش
رابعة يعني 250غ دقيق - 125 غ زبدة - بيضة - قبصة ملح و شوية ما بارد باش نجمعو العجين
اولا كنخدمو الزبدة و الدقيق باطراف الاصابع و خاص تكون الزبدة يلاه خارجة من الثلاجة فاش يتجتنسو مزيان كنضيف الملح و البيضة و كنحاول نجمع العجين كنزيد الماء بارد غير شوية حتى تجمع لينا العجينة كنكوروها نوضعوها فبلاستيك غذائي و نعملوها فالثلاجة شي 20 دقيقة تقريبا انا خليتها ساعة كاملة من بعد جبدتها طلقتها بالمدلك و لبست لمول ديالي لي مدهونين بالزبدة و مرشوشين بالدقيق
الحشوة
عملت بصلة مشلضة تشحرات فشوية الزيت ثم ضفت ليها طريفات ديال بيبي مقطعين
صغار شوية ثوم و معدنوس مقطع و بالطبع منساوش التوابل و الزيتون اخضر مقطع
فاش طاب الخليط خليتو يبرد و خويتو فالمول و خديت 2 معالق ديال القشدة
الطرية - بيضة و نص كاس حليب ضفت ليهوم قبيصة الملح و شوية ابزار طحنتهوم
فمولينكس و خويت الخليط من الفوق و دخلت الكيش يطيب بصراحة جا خطيييير ممم
روعة
ليست هناك تعليقات:
إرسال تعليق
تعليقاتكم تسعدنا