بسبوسة

السلام عليكم و رحمة الله و بركاته

البسبوسة يا البسبوسة ههه غزالة و لذيذة  انا شخصيا كتحمقني و جربت شحال من وصفة و الوصفة داليوم عطاتها لي صديقتي ام ولاء ولكن هي فالاصل ديال الشاف زكريا

ايوا قولو لي كيف جاتكوم من الصورة ههه 

ندوزو للمقادير على بركة الله

المقادير
كاس حليب-كاس زيت انا عملت غير نص كاس فقط-2 بيضات-كاس سكر-2 كيسان سميدة رقيقة-1 خمارة- فانيل-قبصة ملح
السيرو
2 كيسان ماء-1كاس سنيدة-شوية كوك للتزيين

الطريقة

كنظن الكل كيعرف يخلط ههه كنطربو البيض جيدا مع الملح و السكر و الفانيل حتى يطلع مزيان

نضيفو الزيت و الحليب و نتابعو التطراب

نضيفو السميدة و الخمارة و نخلطو مزيان

ندهنو مول بالزبدة و نرشوه بالسميدة مزيان و نكبو الخليط

ندخلوه للفرن على حرارتو متوسطة و نخلو البسبوسة تنضج حتى يولي لونها ذهبي

فاش نخرجوها نكونو موجدين السيرو

يعني نغليو الما مع السكر شي نصف ساعة تقريبا او اقل

نسقيو البسبوسة  و نرشو عليها الكوك من الفوق

بالصحة و الراحة