الأحد، 22 سبتمبر 2013

فطيرة بالطون و الفروماج

السلام عليكم و رحمة الله و بركاته

هادي فطيرة جد جد لذيذة و مقاديرها فالمتناول


غنعطيكوم المقادير و الطريقة فنفس الوقت
على بركة الله

خديت زلافة دقيق ضفت ليها مليحة شوية سكر شوية الخميرة ديال العجين  \م ص زبدة \  2 م ك زيت زيتون و 2 فرماجات خلطت مزيان و جمعتها بالما بارد خليتها تخمر شي نص ساعة من بعد قسمتها على 2 
طلقت الكورة الاولة و لبستها لمول ديال الطارط مدهون بالزبدة و مرشوش بالدقيق تكيت العجينة بالفوشيط باش ماتنفخش و عمرت بالحشوة
الحشوة درت فيها 2 بصلات مشحرين فالزيت مزيان ضفت ليهوم 2 مطيشات محكوكين و شوية المعدنوس مع مليحة ابزار تحميرة سكين جبير و خرقوم خليتهوم حتى نشفو و طفيت عليهوم خاصهوم يبردو عاد نعملوهوم فوق العجين من بعد ضفت الزيتون مقطع و بواطة ديال الطون بالزيت و عملت الفروماج مثلثات من الفوق
طلقت الكورة الثانية دالعجين و غطيت بيها الاولى و سديت الجناب مزيان و داكشي لي شلط لي دالعجين عملت منو قليبات باش زوقت دهنت بصفار بيضة مع معيلقة دالما و تقبت الوسط دالطورطة باش تنفس و دخلتها الفران طيب بالصحة و الراحة

ليست هناك تعليقات:

إرسال تعليق

تعليقاتكم تسعدنا