السلام عليكم و رحمة الله و بركاته
مساء النور
هادو خبيزات معمرين من يدين اختي الحبيبة
المقادير و الطريقة بالتفصيل
اولا ديري شوية خميرة دالعجين مع م ص سكر فكاس و زيدي ربع كاس ما دافي غطيهوم حتى الخميرة دوب و تنفخ
فقصعة غتعملي 2 كيسان صغار دقيق شوية ملح و ديك الخميرة لي عملتي دابت مع السكر و 2 كيسان صغار ما دافي كتخلطي مزيان و تخلي داكشي يخمر 10 دقائق
من بعد كضيفي نص كاس زيت و شوية زعتر محكوك و الدقيق لي يجمع العجينة و لكن خاصها تبقى رطبة و غتخليها عاوتاني عشر دقائق او اكثر
الحشوة عبارة عن طريفات د لاداند مشحرين مع بصيلة و الربيع و التوابل \ زيتون مقطع و فروماج احمر محكوك كنسدو الخبيزات و ندخلوهوم للفران فاش يطيبو كنخرجوهوم حتى نحكو عليهوم شوية الفروماج احمر و نردوهوم تاني غير يدوب الفروماج و نخرجوهوم كيجو لداد جدا
بالصحة و الراحة
ليست هناك تعليقات:
إرسال تعليق
تعليقاتكم تسعدنا