السلام عليكم و رحمة الله و بركاته
هادي مدة باش عملت هاد المخمر و عجبني بزاف. انا خديتو من برنامج اللقاء المفتوح مدة طويلة و جربتو شحال من مرة و ديما كيطلع زوين الحمد لله. الله يعطي لمولات الوصفة الصحة و يجازيها كل خير.
المرة الاولى فاش عملتو طبقت الوصفة كما هي
المقادير
- نص كيلو طحين - ملح - خمارة - راس صغير معلقة خميرة دالخبز
- زلافة متوسطة زيت و زبدة + شوية سميدة رقيقة + شوية سنيدة - لوز محمر او مقلي و مهرمش - شوية العسل او سيرو
الطريقة
نعجنو مزيان و نكورو كويرات صغار بحال المسمن. نورقو الكويرة و ندهنو بالزيت و الزبدة و نرشو رشة سنيدة. رشة سميدة و رشة لوز مهرمش و نسدو
نبقاو نديرو وحدة في قلب وحدة حتى نوصلو 7 او 8 او حتى اكثر
يمكن نديروهوم فرديات ( 3 او 4)
نكرصو مزيان و نخلوها تخمر من ساعة حتى لساعة و نص. من بعد ندهنوها بالزبدة من الفوق مزيان و ندخلوها للفلاان تتحمر من الفوق و لتحت. كي تخرج نكبو عليها العسل ولا السيرو و نزوقوها باللوز مهرمش
ليست هناك تعليقات:
إرسال تعليق
تعليقاتكم تسعدنا