السلام عليكم و رحمة الله و بركاته
هادو طارطوليت بالفواكه لي عملت مؤخرا بمناسبة نجاحي
المقادير
بيضة كبيرة او 2 صغار - 125 غ زبدة طرية - 2 م ك سكر سنيدة - ملح - نصف خمارة - زلافة دقيق ماعامراش - شوية ماء بارد
للتزيين
كريم باتسيير و فواكه
الطريقة
كنعملو الدقيق مغربل فاناء نضيفو الزبدة طريفات و نحاولو نبسسو مزيان اي ندخلو الزبدة لللكمية دالدقيق كلها
نضيفو البيض السكر و الملح و نحاولو نجمعو العجينة ايلا ماتجمعاتش كنضيفو شوية الماء غير المقدار الكافي باش تجمع العجينة
نعملوها فبلاستيك غذائي و ندخلوها للثلاجة لمدة ساعتين
من بعد كندهنو المولات بالزبدة و نلبسوهوم العجينة ونتكوها بالفورشيط باش ماتنفخش
ندخلوها طيب فالفران على نار متوسطة
من بعد نخلوهوم يبردو عاد نمرو لنحضير الكريم باتسيير
انا هاد المرة استعملت كريم باتسيير جاهز
خديت 2 م ك منو ضفتها ل2 م ك سكر سنيدة و بيضة خلطت مزيان و ضفت الخليط ل2 كيسان حليب
عملت الخليط فوق نار هادئة مع التحريك باستمرار حتى عقد مزيان
خليتو برد شوية عاد عملتو فوق ليطارطوليت
الفواكه معملتهوم قبل وقت التقديم بساعة
قطعت الفريز و الموز طريفات صغار
غمستهوم فمربى المندرين السائل و زوقت بيهوم
وهادي النتيجة
نتمنى يعجبوكوم
شهية طيبة
ليست هناك تعليقات:
إرسال تعليق
تعليقاتكم تسعدنا