بسم الله الرحمان الرحيم
السلام عليكم و رحمة الله و بركاته
بما اننا فوقت البرقوق فبامكاننا نستعملوه فشحال من حاجة
شخصيا عملت بيه المربى عملت بيه كيكات صغار و كبار و خليت شوية بديت ليه عملية التجفيف فالفرن
اليوم بغيت نشارك معاكوم هاد الكيك الاقتصادي و اللذيذ
المقادير
بيضتان
كاس سكر
كاس معامرش زيت
ساشي فانيل
قبيصة ملح
كاس ماء
ثلات كيسان دقيق
2 خمارات
قطرات من الخل
6 برقوقات
الطريقة
نطربو البيض مع السكر الملح و الفانيل بالطراب الكهربائي
نضيفوالزيت و الماء و نكملو التطراب
نضيفو الدقيق مغربل والخمارات نخلطو مزيان و اخيرا نضيفو قطرات من الخل و نخلطوا
ندهنو قالب الكيك بالزبدة و نغبروه بالدقيق
نخوو الخليط ديالنا
نقطعو البرقوق و نستفوه فالمول من الفوق
ندردو عليه شوية سكر باش يتعسل
ندخلو الكيك يطيب فالفرن على حرارة متوسطة
يطيب من لتحت عاد نشعلو عليه من الفوق باش يتحمر
وهاهو كيف جا
ليست هناك تعليقات:
إرسال تعليق
تعليقاتكم تسعدنا