الكيكة الباردة (1)

السلام عليكم و رحمة الله و بركاته

اليوم بغيت نشاركوم بهاد الوصفة ديال الكيكة الباردة و لكن بطريقتي الخاصة

نبداو على بركة الله

أولا كنت موجدة 2 كيكات ، كانو باردين

 

قسمت الأولى على 2

جبت المول فاش طابو غلفتهوم ببلاستيك غذائي

 

حطيت فكل وحدة نص كيكة و سقيت بالسيرو مزيان

 وجدت كريم الليمون (البرتقال):

كنحتاجو كاس عصير برتقال + واحد شوية باش نخلطو النشا + 2 م ك نشا + م ك سنيدة + شوية زبدة

كنضيفو السنيدة للعصير، نحركو و نعملوه وق نار هادئة، نضيفو النشا ي سبق لينا و ذوبناه مع شوية عير أو ماء. نبقاو نحركو بدون توقف حتى يختار الخليط، نضيفو الزبدة، نحركو و نحيدوه فوق العافية

نخلوه حتى يبرد، نعملو منو طبقة فوق الكيك

ندخلوه للثلاجة يبرد

نوجدو الفلان


استعملت لتر حليب ناقص كاس + 4 م ك سنيدة + بكيات فلون (فانيل و شكلاط)

حضرتو كما مكتوب فالعلبة، خليتو حتى برد و خويتو فوق الكيك بشوية و دخلتو للثلاجة يبرد مزيان.

الأولى، ماخليتهاش بزاف، زربنا عليها هههه، زوقتها بالكوك

الثانية خليتها باتت فالثلاجة، جات أحسن من الأولى، زوقتها بالشكلاط