الخميس، 3 أكتوبر 2013

ماصدقاتش ليك الحلوى ماتقلقيش عندي ليك الحل (Recyclage)

السلام عليكم و رحمة الله و بركاته

صباح النور

لمحبي الشكلاط


صايبتي الحلوة و جاوك شي وحدين ماشي هادوك؟ صايبتي الفقاص و تفرتت ليك؟ جاك صابلي قاصح؟ بقات عندك الحلوة واحد المدة و مابقاتش زوينة كيف الاول؟
 
عندي ليك الحل  :)

هاد الحليوة كنت صايبتها بالحلوة لي كتبقا لي او كتفرتت
هاد البقايا خديتهوم  طحنتهوم
حيت كنت صايبت كمية كثيرة فواحد المناسبة
المهم نتوما يمكن ليكوم تستعملو بسكويت صابلي ايلا ماعندكومش بقايا الحلوى
و ضفت عليها كاوكاو محمر مقشر و مطحون زدت عليه نقيطة من روح اللوز و خلطت بالشكلاط دايب حتى تجمع ليا
بديت كندير كويرات و نعاود نغمسهوم فالشكلاط دايب و فيرميسيل دالشكلاط و نقاد فالكويغطات
يمكن تزيدو الكوك حتى هو كيجي زوين فيها

بالصحة و الراحة

هناك تعليقان (2):

تعليقاتكم تسعدنا