الجمعة، 4 أكتوبر 2013

اسفنج حلو \ بينيي

السلام عليكم ورحمة الله و بركاته
السفنج او البيني كيحماقو عليه الوليدات الصغار و حتى حنى الكبار كنتشهاوه مرة مرة 
هادي الوصفة لي كنستعمل

بيضة - 1 م ك زبدة - 1 م ك زيت - 2 م ك سكر - ساشي فانيل - قبيصة الملح - م ص خميرة طرية - 500 غ دقيق - ماء دافي حسب الخليط
 
نعملو الدقيق فقصعة او اناء للعجن
نديرو حفيرة الوسط
نعملو فيها البيضة الملح السكر الزيت الفانيل و الخميرة
نضيفو الما دافي شوية بشوية حتى نحصلو على عجينة لينة
نغطوها و نخلوها تخمر 15 دقيقة
نطلقوها بالمدلك و نقطعوها بطابع خاص انا هنا استعملت شكل القلب
ايلا ماعندناش يمكن نقطعو بالكاس او بالزلافة
نعاودو نغطوا الاشكال لي حصلنا عليها و نخلوها تخمر 10 دقائق
نعملو زيت حتى تحمى مزيان و نقليو البينيي ديالنا حتى يولو ذهبيين
يمكن لينا نمرمدوه البينيي فالسكر سنيدة السكر الصقيل او نعمروه بالمربى 

هناك تعليقان (2):

تعليقاتكم تسعدنا