السلام عليكم و رحمة الله و بركاته
كانت باقية عندي العجينة من الكيش درتها فالفريكو شي 3 ايام او 4
عجين الكيش
رابعة يعني 250غ دقيق - 125 غ زبدة - بيضة - قبصة ملح و شوية ما بارد باش نجمعو العجين
من بعد قررت ندير بيها هاد الميني طارط
جبدت العجينة و خليتها حتى حيد منها الثلج و طلقات مزيان
طلقتها بالمدلك و لبست المولات ديالي لي دهنتهوم بالزبدة من قبل
تكيت العجينة بالفورشيط باش ماتنفخش
ودخلتهوم يطيبو
الحشوة دالشكلاط
ملعقتان د الكاكاو مر - 2 م ك مايزينا - 2 م ك سنيدة - 3 كيسان حليب - شكلاط مربعات
كنخلطو الكاكاو مع مايزينا و سنيدة مزيان و نكبوهوم فالحليب
نعملو الحليب يطيب على نار هادئة مع التحريك المستمر حتى يعقاد و نضيفو الشكلاط مربعات
العجين ديالنا غيكون طاب و برد شوية نكبو فيه الخليط دالشكلاط نخلوهوم يبردو شوية و ندخلوهوم للثلاجة حتى يبردو مزيان و يشدو فراسهوم و نزينو بالبنان
ممم كيجو راااااااااااااائعين
الله يعطيك الصحة احبيبة
ردحذف