السبت، 8 سبتمبر 2012

طبق ارز بالدجاج ...

السلام عليكم ورحمة الله وبركاته
 
هذا الطبق من الاطباق المفضلة لدي. بسيط خفيف و سهل و فوق هذا جد لذيييييييييذ


المقادير



تقريبا 350 غ دجاج مقطع طريفات صغار
زلافة كبيرة ارز مسلوق و مصفي من الماء
1 بصلة
شرمولة / قزبر و معدنوس + ضريس ثوم + شوية الزيت و شوية الما + ملح و توابل 
1 فلفلة 
شوية زيتون بدون عظم

  
الطريقة
كنوجدو شرمولة و نرقدو فيها داك الدجاج و نخلوه شوية
نقطعو بصلة و نخلوها تحمر ف 2 م ك زيت


من بعد نضيفو الدجاج و نحركو


نضيفو شرمولة لي بقات لينا مع الملح و ديك الفليفلة




نحركو و نخلو داكشي يطيب على مهلو
فاش يطيب نضيفو الزيتون مقطع  ثم الروز  لي سبق و طيبناه




و اخيرا نقدم الطبق



انا هنا قدمتو مع وريدات البطاطا




خديت البطاطا مسلوقة معستها بالفورشيط ضفت ليها نص كاس حليب + فرماجة +صفار بيضة + ملح و ابزار

خلطتها و درتها فجيب الحلواني و خرجت دوك الوريدات

درتهوم فلاطة مدهونة و دخلتهوم تحمرو شوية



بالصحة و الراحة

هناك 4 تعليقات:

  1. امممممممممممممممم الله يعطيك الصحة اهبيبة مشهي عندك هاد الخير

    ردحذف
    الردود
    1. ربي يخليك اختي غزلان. شكرا على الزيارة و على الكلام الطيب

      حذف
  2. تبارك الله عليك اختي لطيفة الله يعطيك الصحة الحبيبة والله يزيدك من فضلوا يارب

    ردحذف
    الردود
    1. الله يبارك فيك اختي و يحفظ ليك وليداتك

      حذف

تعليقاتكم تسعدنا