اخواتي العزيزات حبيت نشاركوم هاد الوصفة لي كتعجبني بزاف
على بركة الله
اولا خاصنا الورقة اما نشروها واجدة او نصايبوها فالدار
انا صايبت الورقة بطريقة المسمن
عجنت العجينة ديال المسمن
زلافة دقيق + ملح + ما دافي باش نجمعو العجينة
عملت كويرات صغاااار بزاف
طلقتهوم بالزيت
طيبتهوم فالمقلة الثقيلة على عافية مهييييييييلة
و هاهي الورقة واجدة
دابا ندوزو للحشوة
غنحتاجو
1 بطاطا مسلوقة و محكوكة
3 قطع فروماج
ربيع مقطع
ابزار
شوية ملح
و نخلطو
كنسرحو الورقة
نوضعو شوية الحشوة فاسفل الورقة
نجمعوها
نقلوهوم فزيت سخونة و نوضعوهوم فورق نشاف و نقدموهوم بالصحة و الراحة
تيبارك الله عليك اختي لطيفة قنينطات تيشهيو ولي عجبني هو العجين زوين وتيبان بحال الورقة الله يعطيك الصحة اختي
ردحذف